... نسخة للطباعه ...اضف الى المفضله

 

 

 

 
 

الاكثر تصفحا

 

 

 

 

 

 

 

 

 

 ذاكرة الشعر

 

 

سمارك والعيون السود

عدد المشاهدات   2188
تاريخ النشر       25/08/2014 10:51 PM


نبراس الذاكرة
 

سمارك والعيون السود
 والطول
 ورصعه الفوگ خدينك قضيه
 اذا شفتك
 مثل ما طاب بستان
 احيرن شاكل وشلزم بدية
 على اغصان الشفايف
 .. جوري خدران
 يضحك للهوى وروحة نديه
وباقه من الورد ..
 اشكال والوان
ابصحن خدك انجمعن
مزةريه
طولك نخلة برحي
 اتريد صاعود
يحوي ابچفه عثگينك سويه
ضحكتك ...
 مي سواجي ..
 اترطّب الروح
 تنزل عافيه وما بيها اذيه
 نظراتك الي زفة عصافير
وأشب لله ..
وتميل الگاع
 بيّة حنچك مي
 زلال ابصحن بلور
عطاشى الناس
 راعيهم خطيه
 تتمايل .
 غصن ريان بالريح
 بزاهد لو تمر تشعل أُّبيّه
 مو ادري حلو ..
اشورطنّي وياك
 وجبتك بيدي دليتك علي ّ
خمســـه اشــموعـك العـدن
 العشرين
 وما عندي الدلالك قابليه
بيك الزمن ..
عوض قسوتة وياي
 مو رشوة حلف جابك هديه
واحس من قدمّك ...
چن قدّم الكون
 اوگفت اگبالك اديت التحيه
 
 رياض الركابي
 

 





   

   تعليقات القراء

 

الموضوع المنشور يعبر عن رأي صاحبه ... أضف أو صحح ما جاء في الموضوع
 

 

اضف تعليقك 

ألأسم: البريد:  

 

 
 
 
 
 
 

  Designed & Hosted By ENANA.COM

Nbraas.com