... نسخة للطباعه ...اضف الى المفضله

 

 

 

 
 

الاكثر تصفحا

 

 

 

 

 

 

 

 

 

 ذاكرة الشعر

 

 

باب المعظم

عدد المشاهدات   1627
تاريخ النشر       25/08/2014 10:51 PM


نبراس الذاكرة

في باب المعظم
 نلگه الجوع خرده
 ونلگه الاماني اصكوك
 تلعب فوگ حاجات الچنابر
تتصرف ابنگ الحزن ...
 اوراق
 راچيتات
وصفة طبيب ايبيع للناس
 السخونه بعلب من فافون
 محلات الاستنساخ ..
 اتقيس حجم الأرصفه ...
 بعدد خطوات البنات ..
 وكتب تسريح الجنود مو صعب ..
 نستنسخ الدمعات بشليل الضحك
ونسافر ابلا خوف
وسط الشارع المدفون باللعنات
صفينه الكتب ...
 فوگ الرفوف العالية
گامت اتنگط چذب محروگ
 فوگ امن الملابس ..
عالشعر ..عالراس
فوگ اچفوف ..
زرفها الخجل وامتدت اعلى الطين
 وسّفهت كلما قريته ..
وصدّگت كلما سمعته
ونگطّت روحي مطر حالوب
غسل كل الشوارع ..
 والمدارس ..
والكنايس ..والجوامع
 وفاضت النهران اخلاق وچذب
 واحچايه ملفوفه ..
 بسنين القحط وامراية التاريخ
 يا آخر محطه واول المشوار
 
 جبار فرحان العكيلي
 

 





   

   تعليقات القراء

 

الموضوع المنشور يعبر عن رأي صاحبه ... أضف أو صحح ما جاء في الموضوع
 

 

اضف تعليقك 

ألأسم: البريد:  

 

 
 
 
 
 
 

  Designed & Hosted By ENANA.COM

Nbraas.com